Павел Павлюченко: "Пахтакор"га келган исталган футболчи чемпион бўлишни истайди"
25 ноя 2023 13:32
Новости

Павел Павлюченко: "Пахтакор"га келган исталган футболчи чемпион бўлишни истайди"

"Пахтакор" иккинчи даврада таркибини бир нечта футболчилар билан тўлдирди.

Дарвоза чизиғидаги рақобатни оширишга олиб келинган Беларусь терма жамоаси посбони Павел Павлюченкога мураббийлар айрим учрашувларда ишонч билдиришди. "Шерлар" сафидаги дебют мавсумида чемпионликка эришган кипер фикрларини билдириб ўтди.

"Жамоадошларим каби чемпионликдан жуда хурсандман. Бу соврин билан Тошкент халқини, "Пахтакор" мухлисларини табриклайман. Мураббийлар штаби бу йўлда катта меҳнат қилишди. Охиригача курашдик ва мақсадимизга эришдик. Кимлар учундир биринчи, кимлар учундир бешинчи чемпионлик. Мен эса фаолиятимда иккинчи бор олтин медалларга эга чиқдим.

"Пахтакор"га келган исталган футболчи чемпион бўлишни истайди, чунки "Пахтакор" Ўзбекистоннинг биринчи рақамли жамоаси ҳисобланади", – деди Павлюченко.

Ссылка :

Источник : Championat.asia

Получайте новости прямо в Telegram!

Рейтинг: +15