Паоло Берлускони: "Янги хўжайинлар яхши футболчилар ўрнига 11 нафар ўйинчи сотиб олишди"
21 дек 2017 20:59
Новости

Паоло Берлускони: "Янги хўжайинлар яхши футболчилар ўрнига 11 нафар ўйинчи сотиб олишди"

"Милан"нинг собиқ вице-президенти, клуб собиқ раҳбари Сильвио Берлусконининг укаси Паоло Берлускони ўзи ва оиласи учун жамоанинг жорий мавсумдаги иштирокини кўриш оғир эканлигини айтиб ўтди.

"Бизга мухлис сифатида оғир. Клуб сотилганидан кейин менинг азобларим кетади деб ўйлаган эдим. Лекин, ҳеч нарса ўзгармади.

Улкан трансфер компаниясидан сўнг бизнинг очколаримиз ўтган йил ҳудди шу пайтдагидан ҳам кам ва жамоа ҳали рақобатбардошлилигини исботлагани йўқ.
Шунга қарамай, янги хўжайинларга вақт керак. Менинг акамни айблаш нотўғри, чунки янги раҳбарлар трансфер ойнасида жиддий миқдорда маблағ сарфлашди.

Янги раҳбарлар яхши футболчилар ўрнига 11 нафар ўйинчи сотиб олишга қарор қилишди. Вақт керак. Бу узоқ йиллар давом этган омадли йиллардан кейинги ўтиш даври бўлиши мумкин", - деди Берлускони.