Ўзбекистонлик футболчи ва футзалчи Осиёда йилнинг энг яхшиси бўлиши мумкин
01 окт 2024 17:44
Новости

Ўзбекистонлик футболчи ва футзалчи Осиёда йилнинг энг яхшиси бўлиши мумкин

Жорий йилнинг 29 октябрь санасида Корея Республикасининг Сеул шаҳрида Осиё футбол Конфедерацияси томонидан қитъа футболининг энг яхшиларини тақдирлаш маросими ташкил этилади.

Унда ўтган 2023 йилги йирик мусобақалар, хусусан, Осиё кубоги-2023 ва футзал бўйича Осиё кубоги каби турнирлар давомида ўз маҳоратини намойиш этган футболчилар, мураббийлар ва расмийлар тақдирланади.

Қувонарлиси, турли йўналишлардаги номзодлар орасида Ўзбекистон МТЖ футболчиси Аббосбек Файзуллаев (“Йилнинг энг яхши ёш футболчиси”) ва футзал МТЖ сардори Дилшод Раҳматов (“Йилнинг энг яхши футзалчиси”) ҳам бор.

Ғолиблар номи тантанали маросим давомида эълон қилинади. Вакилларимизга омад тилаймиз!

Ссылка :

Источник : ЎФА

Получайте новости прямо в Telegram!

Рейтинг: +10