Ўзбекистонда ҳозир хорижлик мураббийга қанча маош берилиши керак?
06 янв 2014 20:30
Новости

Ўзбекистонда ҳозир хорижлик мураббийга қанча маош берилиши керак?

Ўзбекистонда бюджет маблағлари эвазига амалга ошириладиган хорижлик мураббийларнинг шартнома баҳоси, яъни иш ҳақи бугунги кунда 2 883 150 сўмдан ($1310 Марказий банк курси бўйича) 9 610 500 сўмгача ($4368) бўлган миқдорни ташкил этади.

"Спорт турлари бўйича Ўзбекистон Республикаси терма жамоаларига аъзо спортчиларни тайёрлашга жалб этилган хорижий мутахассисларнинг ишлаш шароитлари ҳақидаги Низомни тасдиқлаш тўғрисида"ги ҳукумат қарорига биноан шартномалар амалга оширилади. Шартнома суммаси келишув (шартнома) имзоланган кундаги энг кам иш ҳақининг 30 дан 100 бараваригача бўлади. У эксперт комиссияси томонидан аниқланади.

Ҳужжатда ёзилишича, иш берувчилар бюджетдан ташқари маблағлар, шахсий маблағлар, ҳайрия маблағлари ва қонунчиликка зид бўлмаган бошқа маблағлар эвазига хорижлик мураббийларнинг маошини оширишлари мумкин. Хорижлик мутахассис у ва иш берувчи ўртасида тузилган шартномага асосан ҳар ойда миллий валютада маош олади.

Ссылка :

Источник : championat.asia

Получайте новости прямо в Telegram!

Рейтинг: