Ўзбекистон МТЖ шифокори Аброр Пирриев: "Ҳожимат Эркиновнинг жароҳати хавотирли"
08 июн 2021 09:17
Новости

Ўзбекистон МТЖ шифокори Аброр Пирриев: "Ҳожимат Эркиновнинг жароҳати хавотирли"

Кеча бўлиб ўтган ЖЧ-2022 саралаш доирасидаги Сингапур терма жамоаси (5:0)га қарши ўйиндан сўнг терма жамоамиз шифокори Аброр Пирриев жароҳат олган футболчиларимиз ҳақида маълумот берди.

"Тунги тиббий сарҳисоб:

Рақиб шиддатли қаршилик кўрсата олмаган бўлса-да, иқлимнинг иссиқ, нам ва чанглиги боис футболчилар қийналишди. Майдонга сепилган сув иссиқда бирпасда қуриб, чимда тўп юриши қийинлашди, устига устак жароҳатларни кўпайтирди. Айнан майдон ўтининг қуруқлиги; тўп юрмай, оёқ сирпанмай тақалиб қолавериши Эркинов Ҳожиматнинг бироз хавотирли жароҳатига сабаб бўлди.

Майдондан чиқиб кетган бўлса-да Ҳусниддин Алиқулов жароҳати жиддий эмас. Ҳожимат Эркинов масаласида эса эртага қўшимча текширувлар ўтказилгач барчасига ойдинлик киритилади", - деб ёзади Аброр Пирриев телеграмдаги ўз каналида.