Ўзбекистон МТЖ. Жасур Яхшибоев ҳам Грузияга бормайдиган бўлди

Сречко Катанец бошчилигидаги терма жамоамизнинг машғулотларига кеча Жасур Яхшибоев ҳамда Иброҳимҳалил Йўлдошевлар ҳам келиб қўшилишган эди. Афсуски, Яхшибоев ҳам жароҳат сабаб Грузияга бормайдиган бўлди. Бу ҳақда бироз аввал ЎФА матбуот хизмати хабар берди.

"Жасур Яхшибоев йиғинга эски жароҳати билан келган ва ўзини ноқулай ҳис қилган. Текширувлар натижасига кўра, унинг Грузияга қарши учрашувни ўтказиб юбориши маълум бўлди", - дейилади расмий хабарда.

Эслатиб ўтамиз, аввалроқ Рустам Ашурматов виза билан боғлиқ муаммо сабаб, Шаҳбоз Умаров коронавирусга чалингани боис йиғинга кела олмаган бўлса, кечаги машғулотдан сўнг ўзини ноқулай ҳис қилгани учун Достонбек Турсунов ҳам йиғин ва ўртоқлик ўйинини ўтказиб юбориши маълум бўлган эди.

Ўзбекистон МТЖ. Достонбек Турсунов ўрнига АГМК ҳимоячиси чақирилди

Ўзбекистон терма жамоаси Грузияга 12 ноябрь куни Қозоғистон орқали йўл олади.