Ўртоқлик учрашуви. "Қўқон-1912" "Қизилқум" билан дуранг ўйнади

ТТЙМИ стадионида бўлиб ўтган учрашув шиддатли ва кескин курашларга бой тарзда ўтганини айтиб ўтиш жоиз.

Бугун жамоамиз таркибида жароҳат сабаб Александр Мерзляков майдонга туша олмади.

Шунингдек, терма жамоа ихтиёрида бўлиб турган Жавоҳир Сидиқов ва Мурод Ҳолмуҳаммедовлар ҳам бугунги баҳсда иштирок эта олишмади. Таъкидлаш жоизки, назорат учрашувида ушбу етакчи футболчиларимизнинг ўрни жуда билинди.

Ўйинни вакилларимиз фаол тарзда бошлашди. Натижада 2-дақиқадаёқ Райевац жуда қулай имкониятдан фойдлана олмади. Раҳимовнинг ўнг қанотдан оширган тўпини Райевац яқин масофадан дарвозага тўғри йўллашни уддалолмади.

16-дақиқада Ҳамидов-Акрамов-Раҳимов-Акрамов комбинацияси чиройли чиқди. Сўнгги зарба ҳам аниқ бўлди. Дарвозабон ўз ўрнида.

21-дақиқада меҳмонлар ҳисобни очишди. Геворкяннинг ўнг қанотдан оширган пасини Отабек Зокиров дарвозамизга жойлаб қўйди.

Гол ўтказиб юборгач, футболчиларимиз катта куч билан ҳужумга ташланишди. 37-дақиқага келиб бу ўз самарасини берди. Райевац ҳимоячиларнинг хатосидан унумли фойдаланиб, Раҳимовга қулай тарзда тўпни узатди. «Кафу» эса зарбада адашмади ва ҳисобни тенглаштирди.

Иккинчи бўлим ҳам шиддатли тарзда бошланди.

56-дақиқада Райевацга нисбатан қўполлик ишлатган Файзулла Қамбаров ҳакам иккинчи сариқ ва қизил карточка кўрсатди.

Ўртоқлик ўйини бўлгани учун қизил олган футболчи ўрнига бошқаси майдонга тушди.

71-дақиқада навойиликлар дарвозамизни иккинчи марта ишғол қилишди. Файзулла Қамбаров ўрнига майдонга тушган Азамат Алланиёзов боши билан Азиз Ашуров қўриқлаётган дарвозани аниқ нишонга олди.

Сўнгги дақиқалар ўтиб боратган пайтда вакилларимиз ҳисобни тенглаштиришга муваффақ бўлишди. Андрей Сидоров яқин масофадан шунақа кучли зарба йўлладики, гўё дарвоза тўри йиртилиб кетадигандек туюлди.

Шу тариқа, футболчиларимиз назорат учрашувида дуранг натижа қайд этишди.

 

Ўртоқлик учрашуви

“Қўқон-1912” – “Қизилқум” – 2:2 (1:1)

Голлар: Иброҳим Раҳимов – 37, Андрей Сидоров – 90.  – Отабек Зокиров – 21, Азамат Алланиёзов – 71.

«Қўқон-1912»: 13. Никита Рибкин, 4. Баҳодир Акрамов, 5. Жалил Кимсанов, 7. Жамшид Ҳасанов, 8. Собир Ҳамидов, 19. Суҳроб Бердиев, 24. Иброҳим Раҳимов, 26. Акмал Холмуродов, 55. Дарко Гожкович, 85. Руслан Мелзиддинов, 99. Филип Райевац.

Захира: 12. Азиз Ашуров, 21. Музаффар Абдуллаев, 9. Носир Отақўзиев, 17. Авазхон Маматхўжаев, 25. Иқбол Маликжонов, 96. Муҳаммаданас Ҳасанов, 97. Ойбек Рустамов.

“Қизилқум”: Артем Макосин, Шукурали Пўлатов, Файзулла Қамбаров, Шерали Жўраев, Ғайрат Жумаев, Эркин Бойдуллаев, Илҳом Юнусов, Артур Геворкян, Жасур Ҳасанов, Отабек Зокиров, Воҳид Шодиев.