Орадан 8 йил ўтиб... ФИФА Ироққа уйда ўйнашга рухсат берди

Гап шундаки, Халқаро футбол ташкилоти Ироқ миллий терма жамоасига 24 март куни ўз майдонида тўп тепишга рухсат берди. Шу куни ироқликлар ЖЧ саралаш босқичидан ўрин олган 9-тур учрашувида БАА термасини қабул қилишади.

ФИФА бу ўйин Бағдод шаҳридаги "Ал Мадина" стадионида бўлиб ўтишини тасдиқлади. Маълумот учун, Ироқ термаси бунгача уй учрашувларини Қатар пойтахти Доҳада ўтказиб келаётганди. 

Ироқ термаси охирги марта ўз уйида 2013 йил Либерия термасига қарши майдонга тушганди. Бу йил ҳисобидан эса Ироқ 21 январь куни ўз майдонида Уганда термасига қарши баҳс олиб борди. Фақат бу ўртоқлик ўйини мақомида эди. БАА билан кечадиган баҳс эса расмий мақомда бўлади, бўлиб ҳам ЖЧ саралаш беллашуви. 

Ироқ терма жамоаси ўз майдонида охирги марта 2001 йилнинг 28 сентябрь куни ЖЧ саралаш баҳсини ўтказиб, Баҳрайнни 1:0 ҳисобида мағлуб этганди.