Омар Абдулраҳмон жиддий жароҳат олди
21 окт 2018 10:05
Новости

Омар Абдулраҳмон жиддий жароҳат олди

Кеча Саудия Арабистони Про лигасида навбатдаги тур баҳслари ўтказилди.

Сафарда "Ал Шабаб" меҳмони бўлган "Ал Ҳилол" 1:0 ҳисобида ғалаба қозонди. Ўйиннинг 12-дақиқасида нохуш воқеа юз берди. "Ал Ҳилол" етакчиларидан бири Омар Абдулраҳмон тиззасидан оғир жароҳат олиб майдонни шифокорлар ёрдамида тарк этди.

Шундан сўнг унинг ўрнига Абдулла Отайф баҳсни давом эттирди. БАА миллий терма жамоаси аъзоси Омар Абдулраҳмоннинг жароҳати анча жиддийлиги айтилмоқда. У балки тўрт ой майдонга туша олмаслиги ҳам мумкин. Агар шундай бўлса, Абдулраҳмон январда бўлиб ўтадиган Осиё Кубоги-2019 мусобақасини ўтказиб юборади.