"Олмалиқ" иккига бўлиниб ўйин ўтказди ва таътилга чиқди

Ушбу ўйинда Игорь Шквирин бошчилигидаги мураббийлар штаби бир қатор футболчиларни синовдан ўтказишди. Баҳсда "кўклар" ғалаба қозонишди.

"Кўклар" - "Оқлар" 4:1
Голлар: Сухроб Бердиев, Дилявер Абибуллаев, Мурод Бобожонов, Александр Лупашко - Зохир Пиримов (пен)

Энди "Олмалиқ" футболчилари янги йил таътилига чиқишди. Жамоа 4 январь куни яна йиғинга киришади.

Клуб сафидаги янгиликларга келадиган бўлсак ўтган мавсум "Олмалиқ"да ўйнаган Шерали Жўраев, Сардор Сотволдиев ва яқинда кўрикка келган Илёс Хайров, Мурод Бобожонов ва Мухаммад-Султон Фозилов каби футболчиларга жавоб берилди.

Эслатиб ўтамиз, куни кеча Петкович ва Квесиешвили каби легионерлар кейинги йил клубда ўйнамасликлари аниқ бўлганди.