ОЧЛ. "Пахтакор" бу йилги юришини қайси жамоага қарши ўйин билан бошлайди?
18 янв 2019 20:13
Новости

ОЧЛ. "Пахтакор" бу йилги юришини қайси жамоага қарши ўйин билан бошлайди?

Ироқнинг "Эйр Форс" клуби 12 февраль куни Осиё Чемпионлар Лигаси 2-саралаш босқичида "Пахтакор" меҳмони бўлади.

Бу ҳақда "Пахтакор" клубининг расмий сайти хабар берди. ОФК Кубогининг охирги уч мусобақасида ғалаба қозонган "Эйр Форс" жамоаси Ироқ чемпионатида айни пайтда учинчи поғонани эгаллаб турибди. Босим Қосим бошчилик қилаётган жамоа 12 учрашувда 27 очко тўплаган ҳолда "Шорта" ва "Завра"дан кейин бормоқда. Чемпионат беллашувлари Ироқда 6 февралдан давом эттирилиши мўлжалланган.

Осиё Кубогида Ироқ терма жамоасини шарафини бу клубдан дарвозабон Муҳаммад Қассид, ҳимоячи Саад Нотиқ ва ярим ҳимоячи Али Ҳосни ҳимоя қилмоқда. Ироқ Кубогида 20 январь куни "Эйр Форс" ўз майдонида "Нафт" жамоасини қабул қилади.

Ссылка :

Источник : pakhtakor.uz

Получайте новости прямо в Telegram!

Рейтинг: +21