ОЧЛ. 3-турга оид статистикалар
17 сен 2020 02:42
Новости

ОЧЛ. 3-турга оид статистикалар

Бугун, 17 сентябрь куни Осиё Чемпионлар лигаси Ғарб минтақасида 4-турга старт берилади.

Ундан олдин эса ортда қолган 3-турга оид айрим статистикаларни келтириб ўтмоқчимиз. Маълумотларни ОФК тақдим этди.

- "Ал Ҳилол" ўз тарихида илк бор Осиё Чемпионлар лигасида кетма-кет 5та ғалабани қўлга киритди. Бу нафақат риёдликлар учун, балки бутун мусобақа учун рекорддир. Яъни, шу кунгача ҳеч бир клуб кетма-кет беш учрашувда ғалаба қозонмаганди;

- "Ал Айн" (БАА) ўзининг ОЧЛдаги энг узун ғалабасиз сериясини қайд этди. "Ал Садд" билан ўйиндаги 3:3 ҳисобидан сўнг амирликларнинг ғалабасиз серияси 11та учрашувга етди (3 дуранг, 8 мағлубият). Бундан ташқари, жамоа мусобақадаги энг узун мағлубиятли сериясига барҳам берди. "Ал Айн" кетма-кет 5 ўйиндан бери ютқазиб келишаётганди;

- "Ал Айн" билан ўйиндаги 3:3 ҳисоби "Ал Садд" учун Чемпионлар лигасидаги энг самарали дуранг (энг кўп гол урилган). Шунингдек, бу ОЧЛ тарихида 2019 йилнинг апрелида "Шанхай СИПГ" ва "Сидней" ўртасидаги ўйин (3:3)дан кейин энг самарали дурангни такрорланиши бўлди;

- "Ал Садд" ярим ҳимоячиси Санти Касорла Осиё Чемпионлар лигасидаги дебют голини ўзининг биринчи аниқ зарбасидаёқ киритди;

- "Ал Насср" ҳужумчиси Абдулраззоқ Ҳамдаллаҳ Чемпионлар лигасида кетма-кет еттинчи ўйинда гол урди (8та гол). 2013 йил ("Opta" мусобақанинг статистикаси билан тўлиқ шуғулланишни бошлаганидан бери)дан бери фақатгина Халк турнирда кўпроқ кетма-кет ўйинларда гол урган ("Шанхай СИПГ" таркибида 2017 йил кетма-кет 9 учрашувда гол урган);