"Нурафшон" - "Ғиждувон“. Превью

Айни дамда Про-лиганинг "Б" гуруҳида етакчилик қилаётган пойтахт вилояти жамоаси вакиллари турнир жадвалида учинчи ўринда бораётган клуб билан баҳс олиб боради.

"Нурафшон" ҳам Бухоро жамоаси ҳам яхши ҳолатда. Жамоалар ўтган турда ижобий натижаларни қайд эта олишди. Жумладан, "Ғиждувон" ўз майдонида "Зомин"ни 5:0 ҳисобида мағлуб этган бўлса, "йўлбарс"лар сафарда "Ёзёвон" билан 1:1 ҳисобидаги дурангни қайд этди. Икки жамоанинг орасидаги фарқ 3 очкони ташкил этмоқда.

Жамоаларнинг биринчи даврадаги учрашувида 2:1 ҳисоби қайд этилган. 4-тур доирасида кечган учрашувнинг 8-дақиқасида Фарруҳ Шотурсунов ҳисобни очганди. Иккинчи бўлимнинг 51-дақиқасида эса Баҳром Нарзуллаев ҳисобни теенглаштирганди. 86-дақиқада эса Азизбек Муротов пенальтидан гол киитиб, жамоасига ғалаба келтирганди.

"Нурафшон" ҳам, "Ғиждувон" ҳам ўзининг сўнгги 5 учрашувида 3 ғалаба қайд этди, 1 марта дуранг ўйнаб, 1 бора рақибига мағлуб бўлди.

Бугунги учрашувни тажрибали Олимжон Толибжонов бошқариб боради. Унга қанотларда Шохруҳ Азамов, Равшан Копадзе ёрдам беради. Ўйин назоратчиси сифатида Файзулло Ҳасанов ишлайди. Учрашув комиссари - Шерзод Ражабов.

"Нурафшон" - "Ғиждувон" учрашуви бугун соат 18:00да Тошкент вилоятидаги "Дўстлик" стадионида старт олади.