Нима учун Роналду дунёнинг энг яхши футболчиси?​

ФИФА 2017 йилнинг 3 июлидан 2018 йилнинг 15 июлига қадар бўлган даврда энг яхши ўйин кўрсатган футболчилар рейтингини тузди. Асосий соврин учун курашда албатта Криштиану Роналду асосий фаворит сифатида кўрилмоқда. Барча биладики, идеал футболчи фақатгина "Олтин тўп" билан чекланиб қолмайди. Бу жаҳон футболидаги туб ўзгариш бўлиши мумкин.

РОНАЛДУ - "РЕАЛ"НИНГ ЕТАКЧИСИ БЎЛДИ

Мантиқан олиб қаралганда, ҳозирда соврин эгаси ЕЧЛда ғолиб бўлган жамоанинг етакчиси бўлади. Криштиану "Реал"нинг кетма кет уч марта ЕЧЛ совринини қўлга киритишида муносиб ҳисса қўшди. У турнир давомида деярли барча ўйинларда гол уришга эришди. Криштиану - ЕЧЛ тарихида кетма-кет 11 баҳсда гол киритган ягона футболчи бўлиб турибди. Шунингдек, Роналду еврокубоклардаги тарихий - 100-голини урди. Ўтган мавсумда бутун бир турнирда 15 гол уриш - космос.

БУФФОНГА УРИЛГАН ФЕНОМЕНАЛ ГОЛЛАР

Узоқ вақт давомида Роналду йилнинг энг яхши футболчиси бўлиш учун бўлаётган пойгада етакчилик қилмади. Агарда "Реал" ЕЧЛ совринига эга чиқмаганида Роналдунинг бу борадаги имкониятлари анчагина кам бўларди, бироқ "Ювентус"га қарши баҳс барчасини ўзгартириб юборди. "Қаймоқранглилар" Туриндаги баҳсда рақибга мастер-класс ўтказди, Роналду эса чиройли голлардан бирининг муаллифига айланди. Ҳатто уни кўра олмайдиганлар бу голни кўриб оғзилари ланг очилди. Ушбу гол Роналду қандай кароматларга эга эканлигини намойиш қилиб берди.

Кўпчилик "Юве"га урилган учинчи голни эсдан чиқарди. Албатта, бу пенальтидан урилди, аммо нима қилибди? Бироқ нуқтадан гол урган Роналду танқидлар остида қолиб кетди. Ўзини йўқотиб қўйган туринликлар эса рақибга босим ўтказа олмади, бу эса Роналдуга янада куч берди. Сўнгги дақиқаларда тўққизликка тепилган пенальти эса футболчининг фаолиятидаги квинтэссенция бўлса керак. Барча хато бўлишини кутганди, аммо унинг зарбасига дарвозабон умуман ета олмасди.

ЖАҲОН ЧЕМПИОНАТИДА ҲАМ АЪЛО ДАРАЖАДА ЎЙНАДИ

Роналду жаҳон чемпионатида ҳам ҳар доимгидек ўйин кўрсатди. Тўғри, Португалия айни дамда яхши бўлмаган даврларни ўтказмоқда, аммо Роналдуси бор терма мундиал ғолиблиги учун сояда турган фаворитлардан бири эди. Кўчадаги футбол мухлисларидан Роналдунинг мундиалдаги хет-трики ҳақида сўранг, албатта, юқори эмоциялар билан фикр билдиради. Сўнгги дақиқаларда Де Хеа дарвозасига урилган гол эса - унинг мухлислари учун асрларга татигулик бўлди. У бунга қадар мундиалларда 4тагина гол урганди. Аммо 33 ёшга кирганида, битта турнирда шунча марта рақиб дарвозасини ишғол қилди. Португалия Уругвай тўсиғидан ўта олмади. Аммо CR7 дунёнинг энг кучли футболчиларидан бири эканлигини яна бир бор кўрсатди.

ЁШ - ШУНЧАКИ РАҚАМ

Кўпчилик 33 ёшга кирганлар, аста-секин нафақага чиқади, "Олтин тўп" учун кураша олмайди, деб фикрларди. Роналду эса стереотипларни ақлдан оздирди. У ҳар доим юқори мақсадлар сари интиладиган инсон. Олдинроқ Роналду 23 ёшли инсонлардек ўзини ҳис қилаётганини айтганди. Йўқ, "фахрий"нинг ёши 20да. Криштиану 6, керак бўлса, еттинчи "Олтин тўп"ини олса ҳам умуман ажабланманг. Чунки бир вақтлар у шундай деган:

"Етти болам ва шунча "Олтин тўп"им бўлишини истайман"

РАҚОБАТЧИЛАРГА НИМАЛАР БЎЛМОҚДА?

Дунёнинг энг яхшиси бўлишГА Криштиану билан рақобатлашаётганлар шунчаки ном учун қўйилди. Албатта, Килиан Мбаппени ҳам ёддан чиқармаслик лозим. Аммо у Францияда 13тагина гол урди. Бу эса топ-чемпионат эмас. ЕЧЛда эса Килианни эсламадик ҳам. Айниқса унинг "Реал"га қарши учрашувида. Агарда Килиан билан солиштирадиган бўлсак, Роналду ўзга сайёрадан келган. Бир жаҳон чемпионатида яхши ўйин кўрсатган болакайга ҳеч ким "Олтин тўп"ни бериб қўймайди.

Балки Модрич жаҳон чемпионатида термасининг натижаларига катта таъсир ўтказгандир, лекин клубда бундай бўлмади. Криштиану - ЕЧЛнинг ўтган мавсумидаги энг яхши футболчиси, Модрич эса бирорта ҳам совринни қўлга киритмади, ҳатто рамзий термага ҳам кирмади. Ушбу позицияда ундан-да ёрқинроқ бўлганлар анчагина кўпроқ бўлди. Мисол учун, "Севилья" ярим ҳимоячиси Эвер Банега. Албатта, у кучли учликка кириши керак. Бироқ ушбу жиҳати орқали ҳам у Роналду билан рақобатлаша олмайди.

Антуан Гризманн ҳам Роналду каби еврокубокка эга чиқди, ҳа, жаҳон чемпиони ҳам бўлди. У португалияликнинг асосий рақобатчиларидан бири. Бироқ айта оламизки, у мундиал давомида терманинг энг яхши футболчиси бўлмади. У Килианнинг соясига тушиб қолди, клублар миқёсида эса ЕЧЛнинг ҳал қилувчи баҳсларида ўзини кўрсата олмади. У ҳам даъвогар, лекин Роналдуга ета олмайди.

Яна бир соядаги фаворит - Рафаэль Варан. Франциялик футболчи барча совринларга эга чиқмоқда. Аммо у қачон индивидуал совринни қўлга киритди? Ҳеч қачон ҳимоячи "Олтин тўп" учун курашда ҳужумчи билан тенгма-тенг рақобат қила олмайди.

Рўйхатдаги қолган барча футболчилар - Де Брюйне, Азар, Месси ҳам португалиялик каби барча турнирларда ўзини кўрсата олмади.

МЕССИ ОРТДА ҚОЛДИРИЛДИ

Сўнги 10 йилликнинг футболи Роналду ва Мессининг қироллиги остида кечди. Балки кураш тугаётгандир. Аммо бунинг якунида португалиялик катта фарқ билан рақибини мағлуб этади. Роналду Мессига қараганда муҳим учрашувларда кўпроқ ўзини кўрсатмоқда, ўйин тақдирини ҳал қилмоқда. Месси ўтган мавсумда қўлга киритган совринлари бўйича иккинчи даражали бўлиб қолади. Икки буюк футболчининг жангида ҳар доим ҳақиқий даҳо ғолиб бўлиши керак.

Миржалол Норматов таржимаси