Наврўзбек Ҳаипов: "Ҳақиқатдан ҳам апрель ойи биз учун омадли келди"

Негаки бу футболчи 6та ўйинда 3та гол уриб жамоасининг бир неча бор муваффақият қозонишига сабаб бўлди. Шу боис "СА" талқинига кўра, Ҳаипов апрель ойининг энг яхши футболичиларидан бир бўлди. Шуни ҳам қўшимча қилиб ўтиш керакки, 1990 йил Нукусда таваллуд топган Ҳаипов илгари "Нефтчи" ўринбосарлар жамоасида ҳам ўйнаган. 

- championat.asia сайтининг доимий ўқувчисиман. Апрель ойининг энг яхши футболчилари қаторидан жой олганим ҳақида сайтда ўқиб хурсанд бўлдим, - дея гап бошлади Ҳаипов.

- Ҳақиқатдан ҳам апрель ойи мен ва жамоам учун омадли кечди. Чунки биз аввалги йилларга нисбатан бу йил чемпионатни жуда ҳам омадли бошладик. Ижобий натижалардан сўнг, ўз-ўзидан турнир жавалида ҳам юқори ўринлардан жой эгаллаб турибмиз.

- Насиб қилса келаси учрашувларда ҳам мухлисларимизни қувонтиришга ҳаракат қиламиз.

- Мураббийимиз мени бу йил ярим ҳимоянинг чап қанотида синаб кўрмоқда. Урган голларимга келадиган бўлсак, бунда жамоадошларимнинг ажойиб тўп узатишлари ва уларнинг қўллаб-қувватлашларини алоҳида таъкидлаган бўлардим.

Исломбек Рустамбеков суҳбатлашди.