"Навбаҳор": Жанубий Кореяга Мўминжонов ҳам боради
28 авг 2017 20:38
Новости

"Навбаҳор": Жанубий Кореяга Мўминжонов ҳам боради

"Навбаҳор" бош мураббийи Илҳом Мўминжонов Ўзбекистон чемпионатида юзага келган танаффусдан фойдаланиб Жанубий Корея давлатига сафар уюштиради.

Мураббий 30 август куни Жанубий Кореяга йўл олади. Хориж сафаридан мақсад ЖЧ-2018 саралаш турниридан ўрин олган Жанубий Корея - Эрон терма жамоалари ўртасидаги учрашувни томоша қилишдан иборат. Мўминжонов учрашувни томоша қилиш билан бир қаторда ЖЧ саралашидаги терма жамоамизнинг сўнгги рақиб ўйин услубини ўрганиш ва малака оширишни ҳам мақсад қилган.

Жанубий Корея сафари давомида Илҳом Мўминжоновга "Қўқон-1912" жамоаси бош мураббийи Нўъмон Ҳасанов ҳамроҳлик қилади. Эслатиб ўтамиз ЖЧ саралашидан ўрин олган Жанубий Корея - Эрон терма жамоалари учрашуви 31 август куни бўлиб ўтади.

"Навбаҳор" футбол клуби матбуот хизмати.

Ссылка :

Источник : pfcnavbahor.uz

Получайте новости прямо в Telegram!

Рейтинг: +20