"Навбаҳор" футболчиси "Нефтчи"га ўтди
30 дек 2022 16:43
Новости

"Навбаҳор" футболчиси "Нефтчи"га ўтди

"Навбаҳор" собиқ ярим ҳимоячиси Диёр Туропов фаолиятини "Нефтчи"да давом эттиради.

"Бугун клуб раҳбарияти навбатдаги трансферни амалга оширди. Ўтган мавсумда "Навбаҳор" таркибида тўп сурган тажрибали ярим ҳимоячи Диёржон Туропов "Нефтчи" билан шартнома имзолади.

Маълумот ўрнида, Диёр Туропов ўтган мавсумнинг биринчи даврасини Тошкентнинг "Локомотив", иккинчи қисмини Наманганнинг "Навбаҳор" клубларида ўтказган. Суперлигада жами 21 та ўйинда майдонга тушиб, 1526 дақиқа ҳаракат қилган ва 2 та гол киритиб, икки голга ассистентлик қилган.

Жамоамиз ва мухлисларимиз номидан тажрибали футболчи "Нефтчи" сафида янада ғайрат ва шижоат билан ҳаракат қилиб, жамоа шарафини юксак чўққиларга кўтаришга муносиб ҳисса қўшишига ишонамиз", — дейилади клуб хабарида.