Музаффар Музаффаров - тарихий ғалаба, руҳий "чуқурликдан чиқиш" ва иккинчи даврани қаерда ўтказиши ҳақида
02 июл 2021 23:50
Новости
![](https://championat.asia/upload/storage/646692_original.jpg)
![](/upload/storage/646692_220.jpg)
Музаффар Музаффаров - тарихий ғалаба, руҳий "чуқурликдан чиқиш" ва иккинчи даврани қаерда ўтказиши ҳақида
Бекободнинг "Металлург" жамоаси рақиблик қилган ўйинда майдон эгалари Музаффар Музаффаров ва Ким Бо Ёнгнинг голлари эвазига 2:0 ҳисобида зафар қучди. Биз эса мазкур учрашувдан сўнг ўйиндаги биринчи гол муаллифи Музаффар Музаффаровнинг фикрлари билан қизиқдик.
- "Турон"ни мавсумдаги илк ғалабаси билан табриклаймиз. Бугунги учрашув аввалгиларидан фарқли равишда натижа ўхшагани билан аҳамиятли бўлди, дея оламизми? Умуман баҳс қандай таассурот қолдирди?
- Бугунги ғалабамизни мухлисларга бағишлаймиз. Кўп учрашувларда мағлубиятга учраб уларни ранжитиб қўйгандик. Ишқибозлар шундай ҳолатда ҳам бизни қўллаб-қувватлаб туришди. "Металлург" билан учрашувга жиддий тайёргарлик кўрган эдик. Жамоадаги ҳамма ғалаба йўлида меҳнат қиляпти. Менимча бугун биз ғалабага лойиқ эдик.
- Эндиликда жамоанинг ғалабали сериясини кўришимиз мумкинми? Бундай паллада битта ғалаба кўп нарсани ўзгартириб юборади...
- Бизга битта ғалаба керак эди. Худо хоҳласа бундан буён ғалабалар қозонишни бошлаймиз.
- Ушбу ғалаба жамоани руҳий "чуқурлик"дан олиб чиқди, десак тўғри бўладими?
- Тўғри. Муваффақиятсизликлар сабаб руҳий "чуқурлик"ка тушиб қолгандик. Эндиликда ҳаммаси яхши бўлишига ишончим комил.
- Иккинчи даврада ҳам сизни "Турон" жамоаси либосида кўрамизми? Бўлажак режаларингиз қандай?
- Амалда бир йил шартномам бор. Лекин ҳозир аниқ жавоб бера олмайман. Чунки олдимда таклифлар бор. Балки Тошкент клубига ўтарман. "Турон" учун бор кучим билан тўп тепишга ҳаракат қилмоқдаман. Бу жамоада энг ёқадиган томони раҳбарлари. Боиси бизни доим қўллаб-қувватлашяпти. Шунчалик шароитлар яратиб беришаётгани учун катта раҳмат айтиб қоламан.
Абдулазиз Искандаров ёзиб олди
Похожие новости
![AMP Logo](https://championat.asia/image/logo-amp.png)
Комментарии