Минскда Одил Аҳмедов «дербиси» бўлиб ўтади

Қизиғи шундаки, «Милан», «Краснодар», «Ростов», «Коноплева академияси», «Торпедо», «Локомотив» (Москва) ва «Пахтакор» каби клублар қаторида, «Одил Аҳмедов ФА» ҳам иштирок этаяпти. Мусобакада жами 36та клуб иштирок этди. 

Бугун мусобақанинг ярим финалчилари номи маълум бўлди. 

Қувонарлиси шундаки, унда Одил Аҳмедовнинг собиқ жамоаси унинг академиясига қарши майдонга чиқади. 

1/2 финал. 7 февраль.
«Милан» - «Ростов»
«Краснодар» - «Одил Аҳмедов ФА»

Эътиборлиси шундаки, Россиянинг топ академияларидан бири бўлган "Краснодар" жамоасининг селекция бўлими томонидан "ФА Одил Аҳмедов"га турнир давомида жиддий қизиқиш бўлди.

Васильченко Виталий (академиянинг спорт директорининг биринчи ўринбосари) нинг таклифи билан 2006-2008 йилларда таваллуд топган жамоаларимизнинг энг яхши футболчилари кўрикдан ўтиш учун куз фаслида "Краснодар" футбол академиясига ташриф буюрадилар. 

"Бу ерда айнан Сизнинг жамоангиз ўйинларини кузатиб шунга амин бўлдим, улар бизнинг ўйин услубимизга жуда яқинлар. Одил Аҳмедов шундай катта лойиҳага қўл ургани қувонарли. Қолаверса, катта раҳбаримиз билан ҳам яхши муносабатда улар. Менимча ҳамкорликда ишлаш учун ҳеч қандай тўсиқ йўқ", - дейди Васильченко.

2020 йил "Краснодар" ФАга 2008 йилда таваллуд топган футболчилар қабул қилинади. Айни пайтда энг кичик гуруҳда 2007 йилларда таваллуд топган футболчилар таҳсил олишяпти.