Мешал Баршам: "Ўзбекистон ҳурматга сазовор жамоа"
10 июн 12:27
Новости

Мешал Баршам: "Ўзбекистон ҳурматга сазовор жамоа"

Қатар терма жамоаси дарвозабони Мешал Баршам жаҳон чемпионати 3-саралаш босқичи 10-туридан ўрин олган Ўзбекистонга қарши ўйин олдидан ўз фикрлари билан ўртоқлашди.

"Ўзбекистон миллий терма жамоасига қарши ўйин саралашда катта аҳамиятга эга бўлмаса-да, биз бу ерга ғалаба қозониш ниятида келдик. Осон ўйин бўлмайди. Ўзбекистон терма жамоаси ҳурматга сазовор жамоа, улар жаҳон чемпионатига йўлланма олишди ва бу муваффақият улар учун байрамдир. Албатта, саралаш босқичидаги вазифамиз ҳали тугагани йўқ. Олдинда плей-офф ўйинлари бор, аммо ҳозирги эътиборимиз бўлажак беллашувга қаратилган. Яъни, бу ўйинда ғалаба қозонишимиз плей-офф учун яхши кайфият бағишлайди", деди 27 ёшли футболчи.

Эслатиб ўтамиз, жаҳон чемпионати 3-саралаш босқичи 10-туридан ўрин олган Ўзбекистон – Қатар учрашуви 10 июнь куни Тошкентдаги "Бунёдкор" стадионида ўтказилади. Ўзбекистон мундиал йўлланмасини муддатидан илгари ҳал қилган бўлса, Қатар плей-офф босқичида кураш олиб боради.

Ссылка :

Источник : AlKassTV

Получайте новости прямо в Telegram!

Рейтинг: +1