ЖЧ-2026 гуруҳ босқичига қачон қуръа ташланади?

Жорий йилнинг 5 декабрь куни АҚШ пойтахти Вашингтонда жойлашган “The Kennedy Center” мажмуасида 2026 йилги ФИФА Жаҳон чемпионатига қуръа ташланади. Тадбир маҳаллий вақт билан 12:00 да, Тошкент вақти билан эса соат 22:00 да старт олади. 

Эслатиб ўтамиз, Ўзбекистон миллий терма жамоаси қуръада 3-саватчадан ўрин олган. 

Ушбу нуфузли тадбирда ЎФА раҳбарияти, Ўзбекистон миллий терма жамоаси бош мураббийи Фабио Каннаваро, мураббийлар штаби ҳамда ФИФА томонидан махсус таклиф этилган ўзбек футболи афсонаси Миржалол Қосимов иштирок этади.