RU

Последние новости

01:51Расман: Оле-Гуннар Сульшер истеъфога чиқарилди  1 01:30Отабек Боймуродов: "Ҳар бир рақиб учун алоҳида тайёрланамиз"  1 01:08Конференциялар лигаси саралаши. "Фиорентина"дан суперкамбэк!  0 00:49Ўзбекистон U23 термаси Осиё Кубоги саралаши учун тайёргарликни давом эттирмоқда ГАЛЕРЕЯ  0 00:26"Истанбул Башакшеҳир" миссияни уддалай олмади  52 00:13"Манчестер Юнайтед"нинг асосий футболчиси "Челси"га ўтмоқда!  4 23:56Аёллар ўртасидаги ОЧЛ саралаши. "Севинч" "Ал Насср"ни бурчакдан урилган гол эвазига мағлуб қилди  1 23:33Диёр Холматов: "Европага кетишим шу йиғиндан кейин ҳал бўлади"  7 23:17"Кристал Пэлас" ўз тарихида илк марта еврокубокларда ўйнайди  0 22:50Маҳмуд Маҳамаджонов: "Янги жамоага кўникиш осон бўлди. Энди бор эътибор термага қаратилади"  1 22:19ЕЧЛ. "Реал" Қозоғистонга келади, "Қайрат" Милан ва Лондонга боради: қуръанинг барча натижалари билан танишинг  28 21:54Одил Ҳамробеков: "Ҳозирги мураббийимиз Тимур Кападзе. Унинг қўл остида CAFA турнирига тайёргарлик кўряпмиз"  2 21:17Ўзбекистон термаси йиғинни бошлади ГАЛЕРЕЯ  4 20:45Пол Паркер: "Онана дарвозабон эмас"  3 20:12"Динамо" ҳақ бўлиб чиқди: "Ҳакам қарори нотўғри!"  22

Менга Баджо бир жаҳон-у менга... Новости

Менга Баджо бир жаҳон-у менга...

Бугун саҳарлик учун уйғонарканман кўнглим яна хира тортди.

Қаторасига 4-янги кунни газсиз, электрсиз қаршилаяпмиз. Бугун ҳам (онлайн) дарсларни ўтказиб юборадиган кўринаман...

Вақт кечга яқинлашди. XXI асрнинг 20-йили ўтиб борар паллада 89 соат мобайнида электр токи хизматидан фойдаланмасликни ўзим учун жасорат санаяпман. 

Тўғри-да, ХХ аср ҳавосидан бир сония ҳам нафас олмаган мен ва тенгдошларим учун бу қўрқинчли тушга ўхшайди...

Ниҳоят, чироқ ёнди! Сўнгги кунлардаги янгиликларни ўқиб бўлгач сайтимиз кузатувчиларидан бири билан суҳбат қуришга тўғри келиб қолди. Суҳбат мавзуси ўзингизга аён: яна футбол. 

1990-1994 йилги мундиаллар, Италия терма жамоаси, Массаро-Баджо-Зола триоси, Виалли ва Манчинига нисбатан ноҳақлик, адолат тополмаган "Скуадра адзурра"...

Ўрта ёшлардаги суҳбатдошим итальян футболининг ўзига хос жозибаси-ю Баджонинг бетакрор ҳаракатлари ҳақида тўлқинланиб гапиряпти. Лекин бу менга заррача таъсир қилмайди. Эртакка ўхшайди. Унинг ўйинини кўрмаганман, видеолавҳалардаги ҳаракатлари эса ажаблантиролмаган.

Мен учун Роберто Баджо ким?

Беўхшов соч турмакли, нари борса Кака даражасига чиқа олган, бир ғалати амаки-да. Италияни елкасида кўтариб финалга олиб чиққан дейишади. Хўп, сиз айтганча бўла қолсин. Модрич. Ундан юқориси эмас. Аслида, Лукани Баджога тенглаштириш ҳам осон бўлмайди мен учун. Баджонинг ҳисобида атиги 5та (!) трофей бор, холос. Хорват эса...

"Мовий гвардия" учун борини берган форвард ўйлаганимдан буюкроқ бўлиши мумкин. Лекин мен фақат кўрганимга ишона оламан.

Кечир, Баджо! 10 йил муқаддам "Милан"да ярқ этиб порлаган Стефан Эл-Шааравининг 2020 йил "Олтин тўп"ни ютишини тахмин қилган авлод вакилиман, начора.

Бизнинг асримизда бутун борлиқ ўзгарди, тараққиёт сари юз бурди. Бизнинг замонда футбол ҳам такомиллашди. Энди Италия Коста-Рика ва Уругвайга плей-офф, шведларга мундиал чипталарини ютқазиб қўйиши мумкин. 

Ҳозир ҳаммаси ўзгача. XXI асрда Баджо, Пеле, Платини, Марадона ёки Красницкийлар бўлмайди. Янги асрнинг янги номлари, янги юлдузлари, тамомила янгича қоидалари бор. Фақат...

Фақат баъзи нарсаларгина Баджо замонидан буён ўзгаришсиз қолиб келяпти: (сабаби масъулларнинг виждонига ҳавола) газ, электр, интернет...

Фахриддин Рўзиев

Ғиждувон, 01.05.2020

Рейтинг: +19   

Комментарии

championat.asia
< посмотреть последние новости
Яндекс.Метрика