"Машъал" ўз сафига собиқ футболчиси ва Мавлоновни қўшиб олди
19 янв 2021 22:52
Новости

"Машъал" ўз сафига собиқ футболчиси ва Мавлоновни қўшиб олди

Муборакликлар айни дамда ўз қароргоҳида кунига икки маҳалдан машғулот олиб бормоқда.

Испаниялик мураббий аста-секин қўл остидаги футболчиларнинг имкониятларни кўздан кечирмоқда. Таркибга икки нафар янги ўйинчилар келиб қўшилганини айтиш лозим.

Клуб академияси тарбияланувчиси бўлган Шаҳзод Шайманов бир неча йиллик танаффусдан сўнг яна қадрдон жамоасига қайтди. 28 ёшли ярим ҳимоячи катта футболга айнан "Машъал" орқали кириб келганди. Ўтган мавсум "Локомотив" шарафини ҳимоя қилган Шайманов энди яна "газчилар" аъзосига айланди.

Ундан ташқари "Машъал" йиғинига Нодир Мавлоновнинг ҳам қўшилганини кўриш мумкин. 2020 йилги мавсум якунига етмасдан "Андижон" клубидан кетишга мажбур бўлган 25 ёшли ярим ҳимоячига "газчилар" дан таклиф тушган кўринади.