"Манчестер Сити" инглиз клублари рекордини такрорлади
08 фев 2021 01:01
Новости

"Манчестер Сити" инглиз клублари рекордини такрорлади

"Манчестер Сити" Англия чемпионатининг 23-турида "Ливерпуль"ни меҳмонда мағлуб қилди (4:1).

Хосеп Гвардиола жамоаси барча турнирлардаги кетма-кет 14-ғалабасини тантана қилди (10 — АПЛ, 2 — Англия Кубоги, 2 — Англия лига кубоги). Шу тариқа "Сити" Англия чемпионатининг юқори дивизиони жамоаларининг қаторасига ғалаба қозониш бўйича рекордини такрорлади.

"Шаҳарликлар"га қадар бундай натижага 1892 йилда "Престон" ва 1987 йилда "Арсенал" клублари эришган.

Эслатиб ўтамиз, "Манчестер Сити" сўнгги бор 15 декабрь куни "Вест Бромвич"га (1:1) қарши ўйинда ғалаба қозона билмаган эди. Гвардиола шогирдларининг сўнгги мағлубияти эса 21 ноябрь оқшомида "Тоттенхэм" (0:2) билан баҳсда қайд этилган.

Ссылка :

Получайте новости прямо в Telegram!

Рейтинг: +13