Лазиз Убайдуллаев: “Урган голларимиз муваффақият учун камлик қилди”
03 апр 2016 10:02
Новости

Лазиз Убайдуллаев: “Урган голларимиз муваффақият учун камлик қилди”

“Металлург” ва “Шўртан” жамоалари ўртасидаги учрашувдан олдин ўз фикрларини билдириб ўтган Лазиз Убайдуллаев мазкур баҳсда гол киритишга эришди.

Шу боис ўйиндан кейин ҳам айнан унинг фикрлари билан қизиқдик.

- Лазиз, “Шўртан” бугун Бекободда яхши ўйин намойиш этди. Лекин натижа ижобий бўлмади.
- Афсуски, шундай бўлди. Ҳақиқат юзасидан олиб қарайдиган бўлсак, биз бугун мағлубиятга лойиқ эмас эдик ва ўйинимиз ҳам ёмон бўлмади. Бир қанча хавфли ва гол киритишга қулай вазиятлар яратдик. Бундан эса бор-йўғи икки бор унумли фойдаландик, холос. Урган голларимиз эса ниятимизга етиш учун камлик қилди.Майдоннинг намлиги, сирпанчиқ ҳолатда тўп сурганимиз ҳам режамиз амалга ошишига йўл қўймади. Тўғриси, жамоадошларим билан яхши ўйин кўрсатдик. Лекин назаримда омад биздан бугун юз ўгирди. Қайсидир маънода бироз алам ҳам қилди. Ҳеч бўлмаганда, дуранг натижага лойиқ эдик. Шундай бўлса-да, жамоадошларимнинг кайфияти тушкун эмас. Кейинги учрашувга янада жиддий тайёрланамиз.

Ссылка :

Источник : championat.asia

Получайте новости прямо в Telegram!

Рейтинг: +1