Карло Анчелотти: "Таркибимиздан кўнглим тўқ. Крооснинг ўрнини билинтирмаслик учун салоҳиятимиз етарли"

– Айни дамда нимадан хавотирдасиз? Тизим, футболчиларнинг жисмоний ҳолати?

– Тўғрисини айтсам, мен умуман хавотир олмаяпман. Қўл остимдаги жамоанинг барча чизиқларида ажойиб футболчи жамланган, қўшимчасига фантастик ўйинчи Мбаппе ҳам сафимизга қўшилди.

Айтиб ўтганимдек, биринчи ўйинларга тайёрланиш учун вақтимиз у қадар кўп эмас. Бироқ етакчиларимиз ажойиб спорт формасида қайтишига ишонаман. Улар жамоа сафига қўшилишидан 15 кун аввалдан бошланадиган махсус дастур мавжуд. Ҳозир энг муҳими – бу уларнинг дам олиши.

Кроос бизга етишмаётгани ўйлантирмоқда, лекин унинг йўқлигини билдирмаслик учун имкониятларимиз етарли, деб ўйлайман. Бевосита унинг ўрнини босадиган футболчи ҳақида гапирмаяпман, чунки Тонининг даражаси ўта юқори, лекин умумий олганда салоҳиятимиз етарли", – деди "Реал" устози.