Камерун ёшлар термасидаги 30 футболчидан 21 нафари ёши кичрайтирилгани маълум бўлди

Баёнотга кўра, мамлакатнинг U-17 термасидаги ўйинчиларнинг кўпчилиги Африка Миллатлар Кубоги саралаши олдидан ўтказилган ёшни аниқлаш бўйича МРТ текширувидан ўта олмади.

“КФФ шуни маълум қиладики, бўлажак мусобақа тайёргарлик арафасида, U-17 терма жамоадаги 30 футболчидан 21 нафари ёшни аниқлаш учун ўтказилган МРТ текширувидан ўта олмаган.

Бу ўйинчилар тезда жамоадан четлаштирилди. Уларнинг ўрнини босадиган футболчилар қидириш жараёни эса аллақачон бошлаб юборилган. Бу КФФ президентининг ўтмишда Камерун футболига путур етказган хужжатларни сохталаштиришга чек қўйиш бўйича аниқ кўрсатмаларининг самараси ҳисобланади.

Федерациямиз мазкур жараённинг барча иштирокчиларини ёш тоифаларига риоя этилишини таъминлашга чақиради”, дейилади федрация хабарида.