ЖЧ-2002даги энг катта сенсация ёдингиздами?

Япония ва Корея мезбонлик қилган 2002 йилги Жаҳон чемпионати суперсенсация билан бошланганди. 1998 йилги Жаҳон чемпиони Франция терма жамоаси очилиш ўйинида ўз тарихида илк бор мундиалга чиққан Сенегалга қарши майдонга тушган. Сеул шаҳрида кечган учрашувни французлар етакчиси Зинедин Зидан жароҳат сабаб ўтказиб юборарди.

Лекин Франция ҳужумида Англия премьер-лигасининг энг яхши тўпурари Тьерри Анри ва Италия А сериясининг энг яхши тўпурари Давид Трезеге каби футболчилар ўйнашарди. Сенегал таркибида мундиалга келган 23 футболчидан 21 нафари Франция чемпионатида ўйнарди.

30-дақиқада "Ланс" вакили Эл Хожи Диуфнинг тўп узатишини "Ланс" ҳужумчиси Пап Буба Диоп ўтирган ҳолда дарвозага йўллайди - 0:1. Ўша баҳсдан кейин турли газеталар "Сенегал ўтирган ҳолда Францияни тиз чўктирди", "Қасос" деган сарлавҳалар остида чоп этилганди.

Сенегал 1960 йилга қадар Франция мустамлакаси ҳисобланарди. Ўзбек футбол мухлисларига жуда яхши таниш бўлган Бруно Метсю бошчилигидаги сенегалликлар Францияни мағлуб этиб суперсанция яратишган ва ўша мундиалда дунё футбол мухлислари Сенегални севиб қолишганди. Франция учун эса бу Жаҳон чемпионати қўрқинчли туш каби ўтганди - 3 та ўйин, 0 гол, гуруҳда охирги ўрин. Ўша ўйин видеосини МАНА БУ ЕРДА кўриш мумкин. 

Франция – Сенегал 0:1
31 май 2002 йил. "Seoul World Cup" стадиони. 62 561 томошабин.
Бош ҳакам: Али Бусайим (БАА).
Гол: П. Буба Диоп (30).
Франция: Фабьен Бартез, Лилиан Тюрам, Франк Лебёф, Марсель Десайи, Биксант Лизаразю, Патрик Виейра, Эммануэль Пети, Сильвен Вильтор (Жибриль Сиссе, 81), Юри Жоркаефф (Кристоф Дюгарри, 60), Тьерри Анри, Давид Трезеге.
Сенегал: Сильва, Коли, Диатта, П. Малик Диоп, Даф, А. Сиссе, М. Н’Диай, П. Буба Диоп, Диао, Фадига, Диуф.
Огоҳлантиришлар: Пети, А. Сиссе.