"Кальяри" форварди Жоау Педру Италия терма жамоасидан чақирув олиши мумкин

Журналист Жанлука Ди Марционинг хабарига кўра, футболчи итальянга уйланганидан сўнг у Италия паспортига ҳам эга бўлган. Бразилиялик ҳеч қачон ўз мамлакатининг биринчи термасида ўйнамаган. Фақатгина Бразилиянинг 17 ёшгача бўлган жамоасида 11та ўйин ўтказган.

Италиянинг спорт фуқаролигини олиш бўйича ишлар бошлаб юборилган. Айни дамда иш муваффақиятли кечмоқда. Ўйинчининг ўзи "скуадра адзурра"да ўйнашни хоҳлайди. У ЖЧ-2022 плей-офф ўйинлари учун чақирилиши мумкин.

29 ёшли ҳужумчи жорий мавсум А Серия доирасидаги 12та ўйинда майдонга тушиб, 7та гол ва 2та ассист қайд этди.