ЖЧ-2022 саралаш. 5 сентябрь куни ўйнамайдиганлар нима қилади?
30 авг 2019 16:13
Новости

ЖЧ-2022 саралаш. 5 сентябрь куни ўйнамайдиганлар нима қилади?

Теги : ЖЧ-2022 саралаш

Хабарингиз бор, 5 сентябрдан ЖЧ-2022 саралаш босқичининг Осиё минтақаси иккинчи раунд баҳсларига старт берилади.

"D" гуруҳида кураш олиб борадиган Ўзбекистон терма жамоаси қуръа жараёнида иккинчи саватчадан ўрин олгани боис 5 сентябрь куни ўйнайди, бироқ 10 сентябрда дам олади. Шу боис 10 сентябрь куни Ироқ термасига қарши ўртоқлик учрашуви ўтказамиз.

Қуръа ташлашда 1-саватчада бўлган терма жамоалар эса 5 сентябрь куни ўйнамайди ва баҳсларга 10 сентябрдан қўшиладилар. Табиийки 5 сентябрь ўртоқлик учрашуви ўтказиш учун айни муддао. Лекин Хитой, Эрон, Австралия терма жамоаларининг 5 сентябрда ким билан ўйнаши ҳақида ҳеч қаерда маълумот берилмаган.

Бизнинг гуруҳдошимиз Саудия Арабистони шу куни Малига қарши назорат баҳсини ўтказади ва мазкур беллашув Тошкент вақти билан 22:00да старт олади. Шунингдек, 5 сентябрь куни Япония Парагвай, Жанубий Корея эса Грузия билан ўйнайди. БАА терма жамоасининг Шри Ланкага қарши ўртоқлик учрашуви ўтказиши кўрсатилган, фақат ўйин санаси 31 август ёзиб қўйилган.

Лекин биз учун муҳими 5 сентябрь куни Ўзбекистон терма жамоасининг Фаластинга қарши қандай ўйин кўрсатиши. Ундан кейин Саудия Арабистони - Мали ўртоқлик учрашувига эътибор қаратсак бўлади.

Ссылка :

Источник : championat.asia

Получайте новости прямо в Telegram!

Рейтинг: +19