Илҳом Юнусов: “Ҳисоб йирик бўлиши ҳам мумкин эди”
31 окт 2016 15:44
Новости

Илҳом Юнусов: “Ҳисоб йирик бўлиши ҳам мумкин эди”

Олий лига йигирма еттинчи тури доирасида “Навбаҳор” — “Қизилқум” жамоалари (0:2) ўзаро куч синашди. Учрашувдан сўнг, меҳмонлар ярим ҳимоячиси Илҳом Юнусов фикрлари билан қизиқдик.

— Ўйин кутилганидан-да шиддатли ўтди, — дейди Илҳом Юнусов. — Биринчи голни киритганимдан кейин ташаббус тўлиқ жамоамиз томонига ўтди. Рақибимиз олий лигада ўз ўрнини сақлаб қолиш учун курашаётган жамоа эканлиги боис, уларнинг кўпроқ ҳужумга эътибор қаратишини билардик. Биринчи бўлимда уларда ҳам, бизда ҳам етарлича голли вазиятлар бўлди. Аммо улардан самарали фойдалана олмадик. Танаффусда мураббийларимиз томонидан берилган кўрсатмалардан хулоса чиқардик ва муҳим ғалабани қўлга киритдик.

Аслида ҳисоб бундан-да йирик бўлиши мумкин эди. Бироқ вазиятлардан тўла фойдалана олмадик. Навбатдаги ўйинда ўз майдонимизда мавсум пешқадами “Локомотив” жамоаси билан ўйнаймиз. Жиддий рақибга қарши бўладиган учрашув олдидан бу ғалаба биз учун жуда зарур эди.

“Қизилқум” ПФК Матбуот хизмати.

Ссылка :

Источник : championat.asia

Получайте новости прямо в Telegram!

Рейтинг: +6