RU

Последние новости

14:34"Интер" ҳужумчи учун 45 млн евро таклиф қилди  0 14:11Шусуке Фуруя: "Саудияга қарши ўйин мен учун биринчиси эди. Ўзбекистонликлар паслар орқали ўйинни яхши назорат қиладиган жамоа"  0 13:53Расман: Кожо Ўзбекистонга қайтди  3 13:53Аббос Ал Ҳасан: "Менимча, Ўзбекистон Япониядан кучлироқ"  2 13:26Жалолиддинов, Эркинов, Абдихолиқов — ортга қайтган легионерларни олдинда нима кутмоқда?  3 13:11"Барселона" ҳужумчиси бошқа клубга ўтди  1 12:51Уче Бриан Нвадике: "Ўзбекистон аввалгидан кучлироқ"  1 12:38"Атлетико" сафидаги ЖЧ ғолиби Каталонияга йўл олиши мумкин  0 12:13АПЛ клуби Шешко учун 80 млн евро тўлайди  1 11:55Муҳаннад Ал Яҳё: "Ўз майдонимизда U-23 Осиё кубоги бош совринини қўлга киритишни хоҳлаймиз"  0 11:31"Манчестер Сити" 22 ёшли ҳимоячи учун 57 млн евродан кўпроқ тўлашга тайёр  8 10:36Лунин "Манчестер Юнайтед"га ўтиши мумкин  2 10:19"Барселона" президенти: "Клуб ёзда бошқа футболчи олмайди"  9 09:57"Реал" Винисиусни сотмоқчи (Defensa Central)  12 09:16"Интер Майами" жаҳон чемпионини сотиб олди  10

Илҳом Мўминжонов: “Бу футбол, ҳакамларга баҳо қўя олмайман” Новости

Илҳом Мўминжонов: “Бу футбол, ҳакамларга баҳо қўя олмайман”

“Навбаҳор” ва “Бунёдкор” жамоалари ўртасидаги учрашувдан кейин ташкил этилган матбуот анжуманининг иккинчи қисмида “Навбаҳор” бош мураббийи Илҳом Мўминжонов қатнашиб, ОАВ вакилларининг саволларига жавоб қайтарди:
 - Бугунги ўйин дуранг натижага мос бўлди. Вазиятлардан унумли фойдаланилганида “Бунёдкор” ҳам, “Навбаҳор” ҳам якунда ғалаба қозониши мумкин эди. Лекин, якунда ғалаба қозониш ҳеч бир жамоага насиб этмади. Ҳар бир мураббий якунига етган учрашувдан сўнг олий лига тақвими ва мусобақа жадвалига назар ташлайди. Бугунги дуранг натижадан кейин ҳам жамоамиз мусобақа жадвалидаги мавқеини сақлаб қолди. Олдимизда яна учта ўйин бор. Навбатдаги учрашувларда ҳам имкон қадар яхши ҳаракат қилиб, биринчи даврани кучли бешталикда якунлашга ҳаракат қиламиз. Ҳакамлар ҳақида нима ҳам дейиш мумкин? Футболчиларимизни “Бунёдкор” жарима майдончаси ичида йиқилишлари кўп кузатилди. Цейтлин мамлакатимизнинг тажрибали ҳакамларидан бири саналади. Шундай экан унинг чиқарган қарорлари тўғри бўлди деб ўйлайман. Агарда қоида бузилганида рақиб дарвозасига пенальти белгиланарди. Ўйинчиларимиз гол уриш учун астойдил интилишди. Шу сабабли, улар ҳакамлардан пенальти белгилашни ҳам сўрашди. Бу футбол, ҳакамларга баҳо қўя олмайман. Ҳаётда ҳамма адашади. Битта ўйин билан ҳаёт тўхтаб қолмайди. Айни пайтда бор эътиборимизни 31 май куни “Нефтчи”га қарши кубокдаги жавоб ўйинига қаратамиз. Шундан сўнг тўрт кунлик таътилга чиқиб биринчи давранинг сўнгги учрашувларига тайёргарлик кўришни бошлаймиз. Охирги ўйинларда максимал даражада очколар тўплаб, мусобақа жадвалидаги мавқеимизни сақлаб қолишга ҳаракат қиламиз.

Бугун асосий таркибнинг  беш нафар футболчини йўқлиги билинди. Шунга қарамай, майдонда ҳаракат қилган футболчиларимизга раҳмат айтаман. Айни пайтдаги ўйинчилар билан “Навбаҳор” бунданда яхши ўйин кўрсатиши лозим. Етакчиларимиз секин-аста сафга қўшилишади. Энг асосийси эртадан машғулотларга Ойбек Қиличев қўшилади. Мамлакат кубогида раҳбарият томонидан максимал натижани қайд этиш вазифаси қўйилган. Ҳар бир мураббий ва футболчи мамлакат кубогида ғолиб чиқиш ва ҳеч бўлмаганда финалга чиқишни орзу қилади. Шундай экан бизни ҳам кубокда ғолиб чиқиш ниятимиз бор.
Рейтинг: +6   

Комментарии

championat.asia
< посмотреть последние новости
Яндекс.Метрика