Игорь Шквирин: "Ғалабани биринчи устозимнинг хотирасига бағишлайман"

Унинг иккинчи қисмида майдон эгалари бош мураббийи Игорь Шквирин қатнашди.

Игорь Шквирин ("Олмалиқ" жамоаси бош мураббийи): Ўйин анча кескин ва асабий руҳда ўтди. Футболда 1:0 ҳисоби қалтис ҳисобланади. Биргина хато сени ғалабадан маҳрум этиши мумкин. Бу баҳсда бизга рақиб бўлган жамоа ҳар томонлама шаклланган ва тажрибали футболчиларга эга эканлигини ўйин давомида исботлашди. Яратилган вазиятлардан янада унумли фойдаланганимизда, сўнгги ўн дақиқа давомида қийин вазиятга тушиб қолмасдик. Бугун ўйин арафасида бир нохуш хабар мени хафа бўлишимга сабаб бўлди. Футболда шу даражага етишимда ва мени катта футболга қадам ташлашимга сабабчи бўлган устозим Вагиф Рустамов оламдан ўтди. Бугунги ғалабани ўзбек футболида ўзини салмоқли ҳиссани қўшган марҳум устозимни порлоқ хотирасига бағишлайман.