RU

Последние новости

17:13Жаҳон чемпионати бошланди. Бугун Ўзбекистон ўйнайди  0 16:57АПЛнинг жорий мавсумдаги энг ёмон трансферлари эълон қилинди (ТОП 10)  0 16:33Ўзбекистон Кубоги. “Бунёдкор” — “Локомотив”, “Бухоро” — “Наманган ФА”, “Қўқон-1912” — Қизилқум”, “Замин” — “Андижон ФА”  1 15:48Роналдунинг фитнес-браслети унинг биологик ёши 29да эканини кўрсатди: "Демак, яна 10 йил ўйнайман"  6 15:14Европа лигаси финали учун превью: "Тоттенхэм" - "Манчестер Юнайтед"  4 14:22МЮ ва "Тоттенхэм" мухлислари Бильбаодаги Европа лигаси финали олдидан Сан-Себастьянда муштлашишди  4 13:40Марказий Осиё. Қозоғистон ва Қирғиз Республикасида пешқадам ўзгарди, "Истиқлол" мағлубиятга учради, "Аркадағ" эса...  3 13:23Дель Пьеро мураббийлик лицензиясини олди: "Бугундан бошлаб мени "мистер" деб аташингиз мумкин"  5 12:21Агар МЮ Европа лигасида ғалаба қозонса Делап "қизил иблислар"га ўтади  8 11:49"Манчестер Сити" стадион ёнида де Брюйне ҳайкали ўрнатилади  1 10:51Беллингем фаолиятини Германиянинг ТОП жамоаларидан бирида давом эттириши мумкин  1 10:23Уч нафар ҳужумчи ёзда “Ливерпул”ни тарк этиши мумкин  8 10:04Суперлига 11-тур расмийлари маълум. Марказий ўйинни Шавкат Насибуллаев бошқаради  4 09:57“Реал Мадрид“нинг Родригонинг ўрнига “Барселона“ анча вақтдан бери қизиқаётган футболчини сотиб олмоқчи  22 09:30“Арсенал“ ва “Челси“ 80 миллион фунтлик футболчи учун курашмоқда  1

Ҳафта иқтибослари. Машҳурлардан энг сара фикрлар Новости

Ҳафта иқтибослари. Машҳурлардан энг сара фикрлар

Сайтимиз одатига кўра, ўтган бир ҳафта ичида жаҳон ва Европа матбуотида янграган машҳурларнинг энг сара фикрларини келтириб ўтамиз.

- "Мен футбол ўйнай бошлаганимда олти ё етти ёшда эдим. Ишонасизми, 11 ёшгача фақат ўғил болалар билан ўйнаганман, чунки жамоамизда қизлар йўқ эди. Бунга ҳамма ҳайрон қоларди. Лекин футболни шунчалик яхши кўрганимдан менга ким билан тўп тепишнинг фарқи йўқ эди". (Дания аёллар терма жамоаси ярим ҳимоячиси Пернилле Хардернинг матбуотга берган интервьюсидан) 

- "Нима ҳам дейишим мумкин, жамоангда Мессидек футболчи ўйнар экан, бундан доим ғурурланасан. Месси фақат тўпурар эмас, у ўйинни бошқаради, голли паслар узатади, рақиб ҳимоячиларини шошириб қўяди, бир сўз билан айтганда у - ижодкор. Унга қарши дуч келган рақиб шошиб қолади. У бирга бир ҳаммадан кучли". ("Барса" собиқ футболчиси Декунинг Месси ҳақида фикри) 

- "У ҳар доим мен учун муҳим, шу билан бирга фойдали футболчи бўлиб қолади. У яхши инсон эди ва келажакда бу характери кўп фойда беради деб ўйлайман. У эндигини 26 ёшга тўлганди, шунга қарамай футбол билан хайрлашишга мажбур бўлди". ("Тоттенхэм" бош мураббийи Маурисио Почеттино жароҳат сабаб футболни эрта тугатган Райан Мэсон ҳақида) 

- "Биз жаҳон чемпионатида фаворитлар қаторида эмасмиз. Мен учун асосий даъвогарлар - Испания, Германия, Франция, Аргентина ва Бразилия. Лекин биз бу жамоаларга қарши бемалол ўйнай оламиз". (Португалиялик футболчи Криштиану Роналду ЖЧ-2018даги имкониятлар ҳақида) 

- "Бир куни машғулотдан кейин Алексис нарса олиш учун дўконга бормоқчи бўлди. Лекин у машинасидан тушиб эшикни ёпганида эшик тўсатдан қулфланиб қолди. Машина калити билан қўл телефони ичкарида қолиб кетди. Бу вазиятда бошқалар нима қиларди билмадим-у, лекин Санчес уйига қараб югуриб кетди. Уни таниб қолганлар ҳайрон, нега ўзидан ўзи кўчада югуряпти. Ўшанда у тўхтамай 8 км. масофани босиб ўтганди". (Италиялик журналист Пьетро Олеотто ўз вақтида "Удинезе"да ўйнаган Алексис Санчес билан боғлиқ воқеа ҳақида)

- "Кимлардир юқори иқтидор билан туғилади, кимлардир тинимсиз меҳнат эвазига шу даражага етади. Ҳар иккала тоифадаги одамлар ҳам кейинчалик юлдуз бўлишлари мумкин. Мбаппе ҳақида гапирадиган бўлсам, у ҳам иқтидор эгаси, ҳам тинимсиз меҳнат қилади". (ПСЖ етакчиси Эдинсон Кавани ўз жамоадоши Килиан Мбаппе ҳақида)

- "Биз сузишни бошладик, энди бўлса узоқдан қирғоқ кўриняпти". ("Суонси" бош мураббийи Карлос Карвалхал ўз жамоасининг ишлари қандай кетаётгани ҳақида)

- "У мен учун устоздек гап. Мен у ҳақда кўп нарса ўқиганман ва уни нафақат спорт, балки ҳаётда ҳам катта тажрибага эга инсонлардан бири деб биламан. У жамоани бўлажак баҳсларга қандай тайёрлашни жуда яхши биларди. Яширмайман, мен ундан кўп жиҳатларни ўзлаштирдим. Уларда баскетболнинг Мессиси - Майкл Жордан ўйнаган пайт умуман тўхтатиб қолишнинг имкони йўқ эди". (Мексика терма жамоаси бош мураббийи Хуан Карлос Осорио "Чикаго Буллс" собиқ бош мураббийи Фил Жэксон ҳақида)

- "Одамлар "Барселона"да ўйнаётган ҳимоячилар ҳақида нотўғри фикрларни билдиришади. Чунки кўпчилик "Барса"га ҳимоячи нега керак, ахир улар фақат ҳужум қилади-ку дейди. Сизга айтсам, майдоннинг рақиб томонида ўйнаш ўзидан ўзи рўй бермайди, биз ҳимоячилар ўз ишимизни яхши бажарганимиз учун ҳам ярим ҳимоячилар ва ҳужумчиларимиз бемалол рақиб томонга ўтиб кетишади". (Томас Вермален "Барса"да ҳимоячилар ҳам муҳим ўрин тутиши ҳақида)

Рейтинг: +6   

Комментарии

championat.asia
< посмотреть последние новости
Яндекс.Метрика