Гвардиола: “Юз минг йилдан кейин ҳам 5-5-0 билан ўйнайдиган жамоага қарши ҳужум уюштириш жуда қийин бўлади”

“Жуда тенг, жуда ҳам қийин баҳс. “Атлетико” – бутун жамоа бўлиб ҳимояланишга уста, бу осон эмас. Улар қарши ҳужумга ўтишларига имкон бермадик ва сабр қилдик.

Улар 5-3-2 схемасида ўйнашини кутгандик, аммо кейин “Атлетико” ўзгарди ва 5-5-0 билан ўйнай бошлади.

Бугун ҳам, минг йилдан кейин ҳам, 100 минг йилдан кейин ҳам 5-5-0 билан ўйнайдиган жамоага қарши ҳужум уюшитириш жуда қийин бўлади, чунки бўш жой йўқ.

Улар кучли, биз эса кичкина ва енгилмиз. Бу сабр-тоқат масаласи. Ўйлашимча, жавоб баҳсида жамоалар бугунги гол урилгандан кейин ўйнаганига ўхшаб ҳарактланишади. Жуда муросасиз учрашув бўлди.

Бугунги ўйиндан дарс оламиз, аммо яхшироқ бўлишга интиламиз”, дейди Гвардиола.