Гвардиола: “Мухлислар 20 дақиқадан кейин 4:0 ёки 5:0 ҳисобида олдинда боришимизни хоҳлашади, аммо …”

“Жуда мамнунман. Яхши ўйнадик. Жавоб голини ўтказиб юбордик, бу бизни бироз мувозанатдан чиқарди, аммо 2-таймда ҳам рақибларга босим ўтказишда давом этдик ва ҳақли тарзда голлар урдик. Мухлислар 20 дақиқадан кейин 4:0 ёки 5:0 ҳисобида олдинда боришимизни хоҳлашади, аммо бу иложсиз. Бу эртак. Икки ҳафта олдин 5:1 натижаси билан қўлга киритилган ғалаба кейинги баҳсда ҳам йирик ҳисобни кафолатламаган эди. Рақибнинг жавоб голига муносабатимиз ва умуман ўйинимиздан жуда ҳам мамнунман. Буни амалга ошириш ушбу мусобақада мушкул. Мазкур муваффақият биз учун жуда ҳам муҳим”, дейди испаниялик мутахассис.