Футзал. АГМК ОЧни йирик мағлубият билан бошлади ФОТО
02 авг 2018 19:24
Новости

Футзал. АГМК ОЧни йирик мағлубият билан бошлади ФОТО

Бугун футзал бўйича клублар ўртасидаги Осиё чемпионатининг 1-туридан ўрин олган ўйинлар давом эттирилмоқда.

"D" гуруҳидан жой олган мамлакатимиз чемпиони АГМК мусобақани йирик мағлубият билан бошлади. Александр Петров бошчилигидаги олмалиқликлар дастлабки турни Ливан чемпиони "Банк Бейрут"га қарши ўтказишди ва 1:4 ҳисобида имкониятни бой беришди.

Гуруҳдаги иккинчи баҳсда Эроннинг "Мес Сунгун" клуби Тожикистоннинг "Сипар" жамоасини 9:2 ҳисобида таслим этган эди.

Эслатиб ўтамиз, АГМК мусобақанинг ўтган йилги беллашувларида ҳам айнан "Банк Бейрут" билан бирга баҳслашишган ва ўшанда 3:8 ҳисобида имкониятни бой беришган эди.

Ссылка :

Источник : championat.asia

Получайте новости прямо в Telegram!

Рейтинг: -15