Фотомақола: Шадриннинг хотираси, Мусаевнинг кўз ёшлари

Шадринни хотираси учун "Локомотив" кичик тадбир ўтказди. Фозилни кўриб кишининг юраги эзилиб кетди. Балки бу ТВ ва трибунада кўринмаган бўлса керак, аммо йигит гол ургач йиғлади. Нагаевнинг голидан кейин ҳам кўз ёшини тутиб тура олмади.



Шадрин яхши футболчи бўлишдан ташқари, яхши инсон ҳам эди. Яқинда бир суҳбатдошим, футболдан кейин бизни футболчи эмас, яхши одам деб эслашсин деган эди. Шадрин ҳақида аввалдан ёмон гап эшитмаган эдим, у учун қайғурганларни кўриб шунга амин бўлдим-ки, у ҳаётда яхши инсон бўлган экан.




Махсус футболкалар чиқарилди. Ўйиндан аввал икки жамоа ҳам машғулотларни Шадринни сурати акс этган футболкаларда ўтказишди.




Фозил голини Шадринга бағишлаяпти



Тўғриси, ўзимни ҳам хўрлигим келиб кетди. Фозилни кўз ёшлари тинмас эди. Футболчилар эса уни овутиш билан банд



Бу ерда Илҳом Суюнов унга ўзини қўлга олиш кераклигини айтаяпти. Ҳисоб 2:0 кўриниш олгач, Фозил ўйнай олмади, барча футболчилар мураббийга уни алмаштириш кераклигини айтишди. 3 кун аввал ёнида турган дўсти, бугун тепасида оқ-қора суратда.

Нодирхўжа Юлдашев.