Фердинанд ўзини АПЛ тарихидаги энг зўр ҳимоячи деб атади, Терри эса унга жавоб қайтарди

МЮ собиқ футболчисига унинг ўзи, Тони Адамс, Сол Кэмпбелл, Рикарду Карвалью, Венсан Компани, Яп Стам, Сами Хююпя, Жон Терри, Виржил ван Дейк ва Неманя Видич вариантлари берилди. 

Фердинанд ўзидан кейин иккинчи ўринга Видич, учинчи поғонага ван Дейк ва Стамни жойлаштирди. 

Бешинчи ўринга қўйилган Терри эса Инстаграмда бунга қуйидагича муносабат билдирди: "Фикр албатта ажойиб, аммо статистика алдамайди".

У сторизга ўзи эришган ютуқлар акс этган постерларни ҳам жойлаштирган.