Абдурауф Бўриев: "Муҳими, ўзимизга керакли натижани қайд этдик"
26 сен 2025 11:35
Новости

Абдурауф Бўриев: "Муҳими, ўзимизга керакли натижани қайд этдик"

Ўзбекистон Кубоги финалига йўл олган "Пахтакор" бу йўлда кеча "Динамо"ни ортда қолдирди.

Ўйиндан сўнг "шерлар" ярим ҳимоячиси Абдурауф Бўриев фикрларини билдирди.

"Кутилганиданда қийин ўйин ўтказдик, чунки икки жамоа ҳам вазиятлардан фойдалана олмади. Охири пенальтилар сериясигача етиб келдик. Ўзимизга керакли натижани қайд этдик. Ўйлайманки, мухлислар завқ олишди. Мухлисларбоп ўйин бўлди.
Финалнинг ўзига яраша гашти бор. Бу орқали жамоавий совринни қўлга киритишим мумкин. Олдимиздаги ўйингача вақт кам, шу боис тезроқ тикланишимиз керак. Чемпионлик курашидан чиқдик демасдим лекин йўқотилган очколар рол ўйнайди. Имкониятимиз бор, охиригача курашамиз", деди Абдурауф Бўриев.