Фарҳод Магометов: "Агар ҳамма танқидларга қулоқ солаверсам ақлдан озишим ҳеч гап эмас"
19 фев 2017 12:00
Новости

Фарҳод Магометов: "Агар ҳамма танқидларга қулоқ солаверсам ақлдан озишим ҳеч гап эмас"

"Футбол Экспресс" газетаси мухбири ПФЛ бош директори Фарҳод магометов билан суҳбат қурди.

Ушбу интервьюда Магометов нима учун танқидларга ўз муносабатини билдирмаслигини айтиб ўтди.

- Бу йилдан эътиборан жамоаларимиз учун бадал пули 180 миллион сўм қилиб белгиланди...
- Балки сизлар суриштирмагандирсизлар, аммо энг кам бадал пули бизнинг чемпионатимизда. Биласизми, ушбу бадал пуллари керак бўлса ўзини қопламайди. Чунки харажатлар кўп. Регламентга қарасангиз бадал пули нималарга ишлатилиши ҳақида аниқ ёзиб қўйилган.

- ПФЛ ва сизга кўп танқидлар бўлиб туради. Аммо сира уларга ўз муносабатингизни билдирмайсиз. Нима учун?
- Кимда қандай савол ёки эътироз бўлса ўзимга айтсин, исталган саволига жавоб бераман. Биз футбол мусобақаларини ташкиллаштирамиз. Биз клубларнинг ички ишларига аралашмаймиз. Уларнинг муаммоларини бартараф этадиган ўз раҳбарлари бор. Олий лигада 16та жамоа бўлса, барчаси тенг қарайман. Кимнидир алоҳида ажратмайман. нимага танқидларга жавоб бермайсиз деб сўраяпсиз. Агарда ҳаммасига қулоқ солсам, у ҳолда ақлдан озишим ҳеч гап эмас, - дейди Магометов "Футбол Экспресс" газетасига.