"Динамо"га қарши ўйинда шикастланган Жасур Яхшибоев жароҳати ҳақида гапирди

Эслатиб ўтамиз, ушбу баҳснинг 40-дақиқасида жароҳат олди ва алмаштирилди. Уни замбилда майдондан олиб чиқишди. Ўйиндан кейин унинг ҳолати ҳақида футболчининг ўзидан фикр олдик. 

"Биз чемпионлик учун курашяпмиз, шу боис, бугунги ўйинда ғалаба қозонишимиз шарт эди. Уч очкони қўлга киритиш учун қўлдан келганча ҳаракат қилдик ва ҳақли ғалаба қозондик деб ўйлайман. 

Жароҳатим ҳақида бир нима дея олмайман. Энди тиббий текширувлардан ўтишим керак, шундан сўнг шифокорлар жароҳатимнинг қай даражада жиддий эканлигини аниқлаб беради.

Олдинда бешта ўйин бор. Шундай экан, қайси жамоанинг чемпион бўлиши номаълум. Биз эса барча ўйинларда ғалаба қозонишга ҳаракат қиламиз. "Насаф"нинг ҳам очко йўқотишини кутамиз. Агарда улар очко йўқотмаса, чемпионлик имконияти юқори бўлади. 

Биз ҳам Суперлига, ҳам Ўзбекистон кубогини қўлга киритиш учун бор имкониятни ишга соламиз", — деди "Навбаҳор" ярим ҳимоячиси.

Эслатиб ўтамиз, Наманганда кечган баҳсда "Навбаҳор" 2:0 ҳисобида зафар қучди.