Дилшод Комилов: "Локомотив" янада кучли бўлиб қайтади"
26 июн 2020 10:18
Новости
![](https://championat.asia/upload/storage/576780_original.jpg)
![](/upload/storage/576780_220.jpg)
Дилшод Комилов: "Локомотив" янада кучли бўлиб қайтади"
Учрашувдан олдин таркибда ҳусусан ҳимоя чизиғида Славко Дамьянович дисквалификацияда эканлиги боис унинг ўрнини ёш футболчилардан бири тўлдириши кутилганди. Андрей Фёдоров эса якунда иқтидорли ҳимоячи Дилшод Комиловга имконият берди. Ўзидан чакки таассурот қолдирмаган мудофаа чизиғи вакили беллашувдан сўнг фикрларини билдириб ўтди.
"Ғалаба учун майдонга тушган эдик. Тезкор гол жамоамизнинг руҳиятига салбий таъсир қилди деб ўйлайман. Агар биз биринчи бўлиб ҳисобни очганимизда ўйин сурати буткул бошқача бўларди. Кўраётган бўлсангиз учта ўйиндан бери дастлабки дақиқалардан бошлаб дарвозамиздан тўп олиб чиқмоқдамиз. Шу боис ўзимизга келишимиз қийин кечмоқда.
Майдон майсаси оғир, стадионда ҳаво дим. Бу ҳам футболчиларни эркин ҳаракатланишига таъсир қилади. Тўғри, иккита мағлубиятдан сўнг руҳан тикланиш оғир бўлмоқда. "Локомотив" ёшларга ҳам катта эътибор қаратмоқда. Ўринбосарлар жамоасидан асосий таркибга бир нечта футболчилар жалб қилиняпти. Кейинги ўйинларда ғалаба қозонишга ҳаракат қиламиз. "Локомотив" ҳали ўз сўзини айтади. Биласиз ҳар йили олдимизга юқори мақсадларни қўямиз.
Мураббийларнинг кўрсатмаларини астойдил бажаришга интиляпмиз. Аммо, нимадир ўхшамаяпти. Битта ғалабага эришсак бўлгани. Жамоамизни кайфиятини кўтариб олган бўлардик. Ҳужум чизиғида жароҳат олган Марат Бикмаев, Абдулазиз Юсуповлар ҳам сафимизга қайтса кучли бўлишимиз аниқ. Тушкунликка тушмаймиз. "Локомотив" янада кучли бўлиб қайтади",- дейди Дилшод Комилов.
Похожие новости
![AMP Logo](https://championat.asia/image/logo-amp.png)
Комментарии