Дешам 3:0дан сўнг: "Кўпроқ гол уришимиз керак эди"
17 июн 2023 09:33
Новости

Дешам 3:0дан сўнг: "Кўпроқ гол уришимиз керак эди"

Франция терма жамоаси бош мураббийи Дидье Дешам Евро-2024 саралаши доирасида Гибралтар устидан қозонилган ғалабадан сўнг (3:0) ўз фикрларини билдириб ўтди.

"Вазифамиз - ғалаба қозониш, ўз ишимизни қилиш эди. Аммо биз кўпроқ гол уришимиз лозим эди, гарчи рақиб дарвозабони бир неча маротаба яхши сейвлар амалга оширган бўлсада. Биз доимо яхши, тезкор ўйин кўрсата оламиз. Лекин майдон яхши ҳолатда эмасди.

Гибралтар қўлидан келганини қилди - жамоа ёмон ҳимоялангани йўқ. Биз кўп вазият яратдик ва уларнинг барчасини голга айлантирганимизда, ҳисоб янада йирик бўларди.

Умуман олганда ўйиндан мамнунман, энди душанба кунги баҳс - Грецияга қарши муҳим ўйин ҳақида ўйлашимиз керак", - деди Франция терма жамоаси устози.

Ссылка :

Источник : L’Équipe

Получайте новости прямо в Telegram!

Рейтинг: