Даврон Файзиев: "Нефтчи"га қарши ўйиндан олдин превьюни ўқиб чиққандим"
17 апр 2016 14:13
Новости
![](https://championat.asia/upload/storage/205160_original.jpg)
![](/upload/storage/205160_220.jpg)
Даврон Файзиев: "Нефтчи"га қарши ўйиндан олдин превьюни ўқиб чиққандим"
- Қизиқарли учрашув бўлди. Йигитларга раҳмат айтаман. Берган кўрсатмаларимни тўғри бажаришди. “Нефтчи”ни жиддий ўргандик. Рақиб ўйинлари ёзилган видеолар кўриб чиқдик ва шунга яраша тайёрландик. Ўйин куни эрталаб матбуотда “Нефтчи” – “Сўғдиёна” баҳси превьюсини ўқиб чиқдим ва футболчиларга ҳам кўрсатдим. Фарғонадаги статистикаларимиз яхши эмаслигини сайтда ойнадек кўрсатиб қўйишганди. Ўйлаб қарасам, ҳақиқатдан ҳам “Нефтчи” уйида фақат бир марта ғалаба қозонган эканмиз. Мана шу битта ғалаба ва битта дуранг ўзим бошчилигимда қўлга киритилган экан. Орзуга айб йўқ дея Фарғонага ғалаба қозониш учун келгандик. Ўйиндан аввал яратгандан зафар қучишимизни сўрагандим. Худо шукур, бугунги ўйин якуни биз учун омадли келди ва ғалабани илиб кетдик. Бугунги учрашув шундай зайлда ўтдики, битта гол ҳаммасини ҳал қиларди ёки дурангга тортадиган беллашув бўлди. Лекин Фарғонада ҳеч бир рақиб осонликча очко олиб кетмаслигини таъкидлаб ўтмоқчиман. Бугун бизга ҳам оғир бўлди. Фақат ўйин якуни Жиззах клубига омадли бўлди.
- Даврон ака, “Нефтчи” ҳақида қандай фикрдасиз?
- Рақиб ўйинини тахлил қилмайман. Бу саволни очиқ қолдираман. Ҳозир ҳар қандай клуб билан ўйнаса, натижа учун ҳаракат қилса бўлади. “Нефтчи”га эса фақат омад тилаб қоламан.
- Саволни бошқача бермоқчиман. Агар хозир сиз рақиб бош мураббийи бўлганингизда нималарга эътибор қилганлар бўлардингиз?
- “Нефтчи” бош мураббийи бўлиш ҳақида хатто ўйлаб ҳам кўрмаганман. Бу саволга тез жавоб бериш қийин. Фикримча, “Нефтчи”нинг ҳужум чизиғига эътибор қилиш лозим. Қачонки, ҳужумда ишларинг яхши бўлса, ҳимоя ҳам шунга яраша ишончли ўйнай бошлайди. Тўғри “Сўғдиёна” ўйин охирида тўлиқ ҳимояланди. Чунки ҳисоб бизни қониқтирарди. Охирдаги гол ҳам бўлмаганда, дуранг ҳам рози эдик. Футбол мухлислар учун ўйналади. Кимлардир айтади “футболда натижа муҳим”. Йўқ, мухлислар стадионга келганга яраша чиройли футбол ҳам кўриши лозим, - деди Файзиев.
“Нефтчи” матбуот хизмати
Похожие новости
![AMP Logo](https://championat.asia/image/logo-amp.png)
Комментарии