Давид Луис янги жамоадошини мақтади

“Пабло Мари Бразилияда Жорже Жезуш қўл остида ажойиб ҳаракат қилган қойилмақом футболчи. Жорже эса менинг дўстларимдан бири. У дунёнинг энг яхши мураббийларидан. Пабло бизга ёрдам бера олади деб умид қиламан. У Бразилия чемпионатида ўзини кўрсатиб улгурган. Энди эса юқорироқ даражада буни исботлаши керак. Бразилия футболи даражаси ҳам анча ўсди. Хусусан, тактик томондан. Олдинлар у ерда фақат иқтидорлар бор эди. Энди эса улар тактика билан тўлдирилди”, — дейди Луис.

Эслатиб ўтамиз, “Арсенал” Пабло Марини “Фламенго”дан мавсум сўнгига қадар ижарага олди.