Чемпионат бошланишга беш кун қолганида АПЛ жамоаларининг бирида бош мураббийи истеъфога чиқди
09 авг 2023 07:45
Новости
Чемпионат бошланишга беш кун қолганида АПЛ жамоаларининг бирида бош мураббийи истеъфога чиқди
“Вулверхэмптон” бош мураббийи Хулен Лопетеги билан шартномани бекор қилганини эълон қилди.
Испаниялик мутахассис инглиз жамоасида ўн ой ишлади. У ўтган мавсумда жамоаси билан чемпионатнинг ўн учинчи поғонасини эгаллаганди.
Клуб расмий сайти хабарига кўра, мураббий ва клуб ўртасида айрим масалаларда келишмовчиликлар юзага келган. Томонлар келишувни бекор қилиш энг тўғри йўл деб билган. Музокаралар бир неча ҳафта давом этган ва бу вақт оралиғида инглиз клуби янги бош мураббий излашган. Клуб матбуот хизматининг маълум қилишича, Хулен Лопетеги жамоани мавсумга тайёрлаб қўяди.
Хулен Лопетеги билан биргаликда унинг штабида ишлаган олти нафар мутахассис ҳам жамоадан кетади.
Эслатиб ўтамиз, “Вулверхэмптон” АПЛнинг биринчи турида “Манчестер Юнайтед”га қарши 14 август куни майдонга тушади.
Похожие новости
championat.asia
"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди
Суперлига. Турнинг сўнгги баҳсида "Сурхон" "Андижон"га ҳеч қандай имконият қолдирмай йирик ҳисобда мағлуб этди
Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди
Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди
Комментарии