“Бунёдкор” ва “Пахтакор”нинг ўйинолди расмий машғулоти ҳақида
08 мар 2018 20:55
Новости

“Бунёдкор” ва “Пахтакор”нинг ўйинолди расмий машғулоти ҳақида

Тошкентнинг “Бунёдкор” жамоаси Суперлига 2-тури доирасида “Пахтакор” клубини қабул қилади.

“Бунёдкор” – “Пахтакор” баҳси 10 март, шанба куни “Бунёдкор” стадионида соат 17:30да бошланади.

Эртага, 9 март куни ҳар иккала жамоа “Бунёдкор” стадионида ўзининг расмий машғулотини ўтказади. Миржалол Қосимов бошчилигидаги “қалдирғочлар” соат 11:00да, Шота Арвеладзе устозлигидаги “Пахтакор” вакиллари эса 17:00да расмий машғулотларини бошлайдилар.

Ҳар иккала машғулотнинг дастлабки 15 дақиқаси ОАВ вакиллари учун очиқ бўлади. Шунингдек, машғулот олдиданн журналистлар ўйин арафасидаги ўзларини қизиқтирган саволлари билан жамоа аъзоларига мурожаат қилишлари мумкин бўлади.

Оммавий ахборот воситалари ходимларини Тошкент дербиси олдидан ўтказиладиган расмий машғулотга таклиф этамиз!