RU

Последние новости

15:11Али Алиев Қозоғистон терма жамоасидаги шармандаликдан сўнг истеъфога чиқди  0 14:25"Манчестер Сити" футболчиси Қозоғистон билан ўйиндан сўнг Дастан Сатпаевни мақтади  2 13:58"Бу Эрон терма жамоасида "олтин авлод"нинг охирги даври бўлиши мумкин" — эронлик журналист  2 13:32Эрон ҳамда Ўзбекистон ўртасидаги финални ким бошқариб боради?  5 13:12Ямаль Туркияда паспортини йўқотди  6 12:56Осиёнинг 2007 йилдаги энг яхши мураббийи Рауф Инилеев 75 ёшда!  4 12:35ФИФА офсайднинг янги қоидасини тасдиқлади  19 12:06Моуринью "Фенербахче"дан ишдан бўшатилишининг асл сабаби маълум  1 11:39Ўзбекистон U-16 терма жамоаси Миллий футбол марказида йиғин бошлади: олдинда Черногория ва Венгрия билан ўйинлар бор  7 11:00"Милан" футболчиси фаолиятини Саудия Арабистонида давом эттиради  0 10:31Холанд автобусдан тушаётганда жароҳат олди  6 10:05Уругвай терма жамоаси аъзоси "Неом"га ўтмоқда  1 09:37Гвардиола "Ман Сити"дан қайси футболчининг кетганидан афсусда эканлигини айтди  1 09:12Лига "Локомотив" стадионидаги қурилиш ишлари билан танишди  0 08:41Эржан Токотаев: “Ўзимни анча яхши ҳис қиляпман”  2

"Бунёдкор" ФК Кореянинг "Suwan TPL" компанияси билан ҳамкорликни йўлга қўйди Новости

"Бунёдкор" ФК Кореянинг "Suwan TPL" компанияси билан ҳамкорликни йўлга қўйди

19 сентябрь куни, "Бунёдкор" футбол клуби офисига Жанубий Кореянинг рейтинги энг баланд ширкатлари сирасига кирувчи "Suwan TPL" компанияси раҳбарлари ташриф буюрдилар.

Ташрифдан мақсад, "Бунёдкор" ФК ва "Suwan TPL" компанияси ўртасида ўзаро ҳамкорлик алоқаларини ўрнатиш бўлди. Учрашувда "Бунёдкор" футбол клуби раҳбарияти, "Suwan TPL" компанияси президенти Инди Жанг, унинг ёрдамчиси Тедди Ким ва Ўзбекистон Республикаси Соғлиқни сақлаш вазирининг биринчи ўринбосари, Ўзбекистонда фармацевтика тармоғини ривожлантириш Агентлиги директори Сардор Кариев иштирок этдилар. 

Учрашув аввалида томонлар фармакология ва витаминизация масаласи бўйича «Бунёдкор» жамоасига етказиб берилаётган витаминларнинг сифатини янада ошириш, Жанубий Корея клубларида йўлга қўйилган даражага чиқаришни муҳокама қилишди. Шунга кўра, бундан кейин "Бунёдкор" футбол клуби Жанубий Корея жамоалари даражасидаги витаминизация билан таъминланишига келишиб олинди.


"Suwan TPL" компанияси - Ўзбекистонга Корея Республикасидан хорижий инвестициялар олиб кириш билан шуғулланади. Мамлакатимиз бизнес бозорига биринчи марта қадам қўядиган Жанубий Корея компанияларига консалтинг бўйича кўмак кўрсатади. Яъни "Suwan TPL" Ўзбекистон иқтисодиётида ҳозирги даврда энг долзарб бўлиб турган масала, юртбошимиз томонидан алоҳида устуворлик билан олиб борилаётган сиёсат – чет элдан мамлакатимизга инвестициялар олиб кириш соҳасида Ўзбекистон-Жанубий Корея алоқаларида бугунда биринчи рақамли компания бўлиб турибди. Эътиборли жиҳати, кечаги учрашув чоғида "Suwan TPL" компанияси билан яқин келажакда "Бунёдкор"га икки томонлама манфаатли бўлган, тижорат йўналишидаги корейс ҳамкорларни топиб бериш бўйича ўзаро келишувга эришилди.

Меҳмонларга "Бунёдкор" футбол клуби ҳақида тўлиқ маълумот берувчи видеопрезентация тақдим этилди. Учрашувдан сўнг меҳмонлар стадион музейига ташриф буюришди, "Бунёдкор" футбол клуби академиясида яратилган шарт-шароитлар билан танишишди, асосий жамоанинг машғулотини кузатишди.


"Умид қиламизки, ушбу учрашув "Бунёдкор" футбол клуби тарихида янги босқични очиб беради ва яқин келажакда Жанубий Корея компаниялари билан икки томонлама манфаатли шартномалар имзоланиб, клубимиз ўз фаолиятини кенгайтиради ҳамда замонавий даражага кўтарилиб боради", - деди меҳмонларнинг ташрифига миннатдорчилик билдирар экан "Бунёдкор" клуби бош директори Улуғбек Мирзаев.

Рейтинг: +15   

Комментарии

championat.asia
< посмотреть последние новости
Яндекс.Метрика