"Барселона" "Реал" собиқ футболчиси билан алоқага чиқди. Мадридликлар уни қайтаришни хоҳламади

Жоан Лапорта "Манчестер Юнайтед" билан шартномаси якунланаётган Рафаэль Варанни қўлга киритмоқчи.

Франциялик футболчи ўз хизматларини собиқ клуби "Реал Мадрид"га таклиф қилган, бироқ клуб президенти Флорентино Перес уни рад этиб, Лени Ёрога эътибор қаратмоқда.

Вараннинг ўзи фаолиятини Испания Ла Лигасида давом эттиришни истамоқда. Унинг вакиллари аллақачон каталонияликлар билан боғланган.

Хави ҳам ҳимоячининг жамоасининг бир қисми бўлишига қарши эмас.

31 ёшли футболчи жорий мавсум барча мусобақаларда 30 та ўйинда иштирок этди.